|
Und da Kaiser hat's außagebn,
Es ist kurios.
Es müassnt d'Buam Reiter werdn
Und d'Mentscha d Roß.
|
|
Aus übern Radling
Schau i no amal um.
Mei Schatz is in Aussee,
Wia load is ma drum.
|
|
Aba Diandl, ei, ei,
Und i liab di so treu,
Und i hab di so gern,
Daß i narrisch kunnt werdn.
|
|
Und wann is mei Diandl
Ban Tanzn nit hals,
Is nettar als wann d'Bäurin
Die Nudln nit schmalzt.
|
|
Wann i zu mein Diandl geh,
Schrei i juhe, juhe,
Diandl, nur gschwind aufsteh,
Juhe, juhe !
|
|
|
Mei Schatz is a Jager
A kloanverdrahter.
Er geht aus mit da Büchs,
Aba hoam bringt a nix.
|
|
Hanserl, buck 's Ganserl,
Steck 's Federl auf'n Huat.
Drah di hinum, drah di herum,
Wia 's Federl schen tuat.
|
|
Wann i wissat, dass da Bua kam,
Tat i hoh aufbettn.
Und wann i wissat, dar a nit kam,
Tat is niedertretn.
|
|
Kimmst alleweil ban Tag daher,
Bei da Nacht nia.
Kimm bei dar Nacht ar amal
Schlafn bei mir.
|
|
Oanmal is koanmal,
Zwoamal is oanmal,
Dreimal is a nit viel,
Wann da Bua will.
|
|
|
|
|
Diandl sei gscheider
Und heirat koan Schneider.
Und heirat an Schmied,
Dann kannst hammern damit.
|
|
Diandl, du jungs,
Du Lamperl, du frumms,
Tua in Buaman recht schen,
Wird's da allweil guat gehn.
|
|
Diandl, sei gscheit,
Nimm an Buam, der di gfreut.
Laß den andern, den kloan,
Bei da Saustalltür loahn.
|
|
Die Braut und da Bräutigam
Toand gar so liab schaun.
Und i dreiviertel Jahrn
Hängant d' Windln am Zaun.
|
|
Hiazt hat oaner gsunga,
Hat grad halt nit grehrt.
Ban Nachbarn ham's a Kaibl,
Dos grad a so plärrt.
|
|
